Liikot go muitalit muitalusaid? Hálidivččet go ráhkadit iežat Youtube kanala dahje ráhkadit miellagiddevaš TicToc filmmaid? Liikot go geahččat filmmaid ja áddestállat daid? Hálidivččet go gávdnat oadjebas birrasa gos don beasat geavahit visot du dovdduid ja attáldagaid? Hálidivččet go don neaktit osiid dovddus filmmain?
Jus dát orru du mielamielde, de áinnas dieđit iežat Filbmaneavttár bargobádjái.

Guhká bistá ja goas álgá?

Filbmaneaktin kursa bistá 14 deaivvadeami dán dálvvi ja giđa ja lea oaivvilduvvon Nuoraide nuoraidskvullas ja Joatkaskuvllas. Kursa álgá guovvamánu 27. beaivve ja lea Davvi Divisionis juohke mánnodaga diibmu 17.30-20.30 ja bistá gitta geassemánu 12. Beaivái. Dasa lassin lea jurdda ahte guokte vahkkoloahpa galgá leahket, gos eará guovllu nuorat maid sáhttet searvat. Deaivvademiin beasat oahpásmuvvatat eará nuoraiguin du agis movttidahti birrasis. It dárbbaš leat leamaš mielde organiserejuvvon kulturdoaimmain ovdal.

MAID BEASAT VÁSIHIT JA OAHPPAT?

Dán kurssas don beasat hástalit iežat olggobealde “komfortsona” oadjebas ja movttidahti birrasis. Earret eará galggat analyseret filmmaid ja teavssais, hárjehallat dialogaid ja monologaid, kamerahárjehallan, audition – ja Selftape hárjehallan, dahkat oktasaš bárgguid, oažžut siskkáldas dieđuid mii geavvá film settas ja movt neavttárat ráhkkanit dasa. Don beasat maid oahppat veaháš Chubbuck teknihka birra ja eará Neavttár teknihkaid birra. Maŋemuš vahkk kurssas mii galgat filbmet scenaid mas don beasat neaktit ja de beasat dan vurket digitalaččat. Jus áiggut dan juogadit sosialamediain, de ferte du scenepartner maid miehtan dasa oktan váhnemiiguin.

FILBMANEAKTIN

Don boađat oahppat ollu buriid teknihkaid mii boahtá ávkin maŋit áigge eallimis. Dus ii dárbbaš ambišuvdna šaddat neavttárin vaikke vel searvvat ge kursii. Dan maid oahpat lea ávkin sihke politihkáriidda, oahpaheddjiide, jođiheddjiide, bagadalliide, hárjeheaddjiide earret eará. Juohke deaivvadeapmi álgá jietna ja gorut liekkadallan hárjehusaiguin dahje gorutlodjen hárjehusaiguin.

SHOWREEL

Kurssa loahpas galgat filbmet filmma dahje TV-ráidduin osiid. Dat sáhttet leat dovddus Sámi filmmain, TV ráidduin dahje oasit maid leat jorgalan Sámegillii dovddus filmmain dahje ráidduin NETFLIXAS, HBO`as, NRKas dahje eará gálduin. Ulbmil dás lea ahte don galggat beassat vásihit movt lea neaktit kamera ovddabealde. Ulbmi lea maiddái hábmet jáhkehahti karaktera ja lunddolaččat neaktit kamera ovddabealde. Dát sáhttá leat joavkobárgu (golmmas), guovttis (dialoga) dahje okto (monologa).

NUVTTÁ NUORAIDE

Lea nuvttá oasálastit Filbmaneavttár kursii.Sámi Filbmainstiuhtta ja Sámi Nuoraid Lávdi – HATS leat ruhtadan prošeavtta. Dál buvttaduvvojit eambbo Sámi Filmmat go goassege ovdal, Sámi Filbma ja Lávdedáidda máilbmi dárbbbaša nuoraid rekrutteret ja danin leage dehálaš lágidit dákkár doaimmaid nuoraide.

3 OASI

Kursa lea juhkojuvvon 3 oassái.

Vuosttaš 5 deaivvadeami lea introdukšuvdna Filbma neaktimii. 27.2- 27.3. Dás galgat stoahkat ollu kamera ovddabealde. Mii galgat maid oahpat audition ja selftape teknihkaid. Guorahallat mii doaibmá kamera ovddavbealde dahkat ja mii ii doaimma seamma bures. Dás beassa maid geahččalit smávva tevsttaid maid lohká kamera ovddabealde. Don boađat maid oažžut smávvá improvisašuvdna hástálusaid maid sáhttá dahkat okto dahje oasseolbmáin (scenepartnerin) Vuosttaš guokte deaivvadeami beassá boahtit geahččalit vuos mo orru.

Dieđihanáigi lea maŋŋemuš njukčamánu 8. beaivve vuosttaš oassái ja 20.3 nubbi oassái.

Go leat oahpásnuvvan bures de álgá nubbi oasi kurssas. Dás galgá neaktit osiid (scenaid). Dát oassi álgá cuoŋománo 3. beaivve ja bistá miessemánu 22. beaivve radjái (6 deaivvadeami) Dás juhkkojuvvo joavkkuide ja de galgá bargat oasseolbmáin (scenepartnerin) ovttas ovttain scenain. Dát oassi lea kamera haga. Lágabui dieđuid mo dát dahkko oažžu go boahtá ná guhkas.

Goalmmat oassi kurssas lea kamerain. Dás galgat filbmet daid scenaid maid leat čađahan nuppi oasis dahje juoga maid ieš leat hábmen impro bokte vuosttaš oasis.

Dasa lassin lea jurdda ahte mis galgá okta vahkkoloahpa bearjadagas (2 diimmu), lávvordaga (3 diimmu) sotnabeaivái (2 diimmu) mas beassá čiekŋudit vuosttaš oassái kurssas ja okta vahkoloahpa mas beassá čiekŋudit nubbi oassái kurssas. Jurdda dás lea ahte nuorat eará lágaš báikkiin, nugo Kárášjogas, Deanus dahje Álttás sáhttet searvat.

Jus hálida searvat de lea vejolaš searvat dušše oassi okta dahje oassi guokte kursas. Jus goalmmát oassái galgá de lea gáibádus ahte galgá searvan vuosttaš oasis, nuppi oasis dahje goappašii osiid.   Jus dieđihat kursii de lea dehálaš ahte searvvat ja oasálastat nu ollu go vejolaš ja anát árvvus du oasseolbmá (Scenepartnera) ja attat dieđu jus man nu sivas it sáhte boahtit. (SPOND bokte, mii ráhkadit joavkku dasa.)

DIIBMOPLÁNA
Kursa lea juohke mánnodaga 18.00-20.00. Dasa lassin leat guokte guhkes vahkkoloahpa mas lea kursa bearjadaga 2 diimmu, lávvordaga 3 diimmu ja sotnabeaivve 2 diimmu. Oktiibuot lea 42 diimmu kursas jus searvá olles kursii.

EAVTTUT JA NJUOLGGADUSAT
Jus áiggut searvat kursii de fertet sihke don ja du váhnemat (jus leat vuollil 18 jahkásaš) suovvat filbmet ja govvet go dat lea okta oassi kurssas. Nubbi oassi kurssas lea Filbmakamera haga. Oasseváldit devdet sierra skovi gos mihtet govvejuvvot ja filbmejuvvot. Oasseváldiin ii leat lohpi filbmet dahje geavahit telefuvnna oahpahusa vuolde, earret jus leat bárgobihtát mat gáibidit dan nugo ovdamearkka dihte jus galgat joavkobárgguin geahččalit filbmet nubbi nuppi.

FILBMANEAVTTÁR KURSA RUHTADEADDJIT

Filbmaneavttár kursa leat dorjon ISFI ja “Sámi Nuoraid lávdi”. Prošeavtta ulbmilin lea lasihit sámegiela filmmain ja lávddiin. Movttidit mánáid ja nuoraid bargat Filmmain ja lávdedáidagiin. Ja hábmet positiva deaivvadan birrasa Guovdageainnus mánáide ja nuoraide.

Oktavuođadieđut kursajođiheaddjái Ingá Márjá Sarre 

actress@ingamarjasarre.actor

Telefon: 41100434